ٹوکیو اولمپکس : ورلڈ چیمپئن بیلجیئم نے مینز ہاکی میں گولڈ میڈل جیت لیا

بیلجیئم نے مینز ہاکی کا ایونٹ ایک سخت مقابلے کے بعد اپنے نام کر لیا ہے، بیلجیئم نے آسٹریلیا کو شوٹ آؤٹ میں 2-3 سے شکست دی۔
مقررہ وقت تک دونوں ٹیموں کے درمیان مقابلہ 1-1 سے برابر رہا تھا، مقابلے کا فیصلہ شوٹ آؤٹ میں ہوا، ہاکی میں گولڈ میڈل جیتنے کے بعد ورلڈ چیمپئن بیلجیئم کے گولڈ میڈلز کی تعداد 2 ہو گئی ہے۔
بیلجیئم کے میڈلز کی مجموعی تعداد 4 ہے، جن میں سے ایک سلور میڈل اور ایک کانسی کا میڈل شامل ہے، بیلجیئم کا پہلا گولڈ میڈل خواتین کے آرٹسٹک جمناسٹکس ایونٹ میں تھا۔کانسی کے تمغے کے لیے جرمنی اور بھارت کے درمیان مقابلہ ہوا، جس میں بھارت نے جرمنی کی ٹیم کو 5-4 سے ہرا دیا۔اور 41سال بعد اولمپک ہاکی میں میڈل حاصل کیا۔