ایچ ای ڈی کا پرنسپلز کی خالی آسامیوں کے لیے درخواستیں طلب کرنے کا فیصلہ

ہائیر ایجوکیشن ڈیپارٹمنٹ نے سرکاری کالجوں میں پرنسپل (مرد و خواتین) کی خالی آسامیوں پر تعیناتی کے لیے تیسرے مرحلے میں درخواستیں طلب کرنے کا اعلان کر دیا ہے۔

اس حوالے سے جاری اعلامیے کے مطابق مجاز اتھارٹی نے باقاعدہ شیڈول کی منظوری دے دی ہے، جبکہ خالی آسامیوں کے خلاف درخواستیں وصول کرنے کے لیے آن لائن پورٹل کھول دیا گیا ہے۔

امیدوار اس پورٹل کے ذریعے اپنی درخواستیں جمع کرا سکتے ہیں، درخواستیں جمع کرانے کے لیے پورٹل 13 اپریل 2026 شام 5 بجے تک کھلا رہے گا، جس کے بعد کوئی درخواست وصول نہیں کی جائے گی۔

تمام امیدواروں کو ہدایت کی ہے کہ وہ مقررہ مدت کے اندر اپنی درخواستیں آن لائن جمع کروائیں تاکہ انہیں آئندہ مرحلے کے لیے زیر غور لایا جا سکے۔