ایمپلائز یونین ملتان بورڈ کا بڑا اقدام
بورڈ آف انٹرمیڈیٹ اینڈ سیکنڈری ایجوکیشن ملتان کی ایمپلائز ایسوسی ایشن کی جانب سے مذہبی ہم آہنگی اور بھائی چارے کی شاندار مثال قائم کرتے ہوئے مسیحی اور ہندو ملازمین میں کیش ایوارڈز تقسیم کیے گئے۔
تفصیلات کے مطابق عیسائی برادری کے تہوار ایسٹر(5 اپریل) کے موقع پر مسیحی ملازمین کو خصوصی طور پر کیش ایوارڈ بطور تحفہ پیش کیا گیا، اسی طرح ہندو ملازمین کو ان کے مذہبی تہوار ہولی کی خوشیوں میں شریک ہوتے ہوئے نقد انعامات سے نوازا گیا۔
اس موقع پر ملتان بورڈ کے اقلیتی ملازمین نے ایمپلائز یونین کے صدر ملک نثار جنرل سیکرٹری شیخ عمران او ر پوری ٹیم کی کاکردگی کو سراہتے ہوئے کہا کہ اس اقدام نے نہ صرف ان کی خوشیوں کو دوبالا کیا بلکہ ادارے میں باہمی احترام، محبت اور یگانگت کے جذبے کو بھی فروغ دیا ہے۔انہوں نے اس حسنِ سلوک کو قابلِ تحسین قرار دیتے ہوئے کہا کہ ایسے اقدامات معاشرے میں رواداری اور ہم آہنگی کو مضبوط بنانے میں اہم کردار ادا کرتے ہیں
اس موقع پر ملک نثا ر کا کہنا تھا کہ ایمپلائز یونین تمام ملازمین کو کسی فرق کے بغیر برابر کا حق دیتی ہے، ہمارا پلیٹ فارم ملازمین کی فلاح و بہود کے لئے ہے، یہ سلسلہ مستقبل میں بھی جاری رہے گا، اللہ تعالیٰ ہم سب کے درمیان محبت، بھائی چارے اور یکجہتی کو ہمیشہ قائم رکھے۔
