جشن آزادی پر فٹنس سرٹیفکیٹ کے بغیر خطرناک جھولوں پر پابندی

ڈپٹی کمشنر ملتان علی شہزاد نے جشن آزادی پر فٹنس سرٹیفکیٹ کے بغیر خطرناک جھولوں پر پابندی لگادی ہے، اس سلسلے میں ڈپٹی کمشنر نے اپنے حکمنامے میں کہا ہے کہ انسانی جان کیلئے خطرہ کا باعث جھولوں کو مکمل انسپکشن کے بغیر چلنے نہیں دینگے۔
ڈپٹی کمشنر کا کہنا تھا کہ پاکستان سٹینڈرڈ اینڈ کوالٹی کنٹرول اتھارٹی سے جھولوں کی انسپکشن کرائی جائے۔
اس حوالے سے ڈپٹی کمشنر نے ایم ڈی اے،پی ایچ اے اور اسسٹنٹ کمشنرز سمیت متعلقہ اداروں کو ہدایت کی ہے کہ شہری محرم الحرام کے تقدس کے پیشِ نظر جشن آزادی پر سرگرمیاں محدود رکھیں اور پارکس و دیگر عوامی مقامات پر کرونا ایس او پیز پر مکمل عملدرآمد کریں۔