پولیس والوں کو معافی مل گئی

پولیس والوں کو معافی مل گئی
ریجنل پولیس آفیسر سید خرم علی نے اردل روم میں پولیس افسران و ملازمین کی اپیلوں کی سماعت کرتے ہوئے کہاکہ پولیس افسران کو قانون کی عملداری یقینی بناتے ہوئے انصاف کے تقاضے پورے کرنا چاہیئیں میرٹ کے مطابق فیصلہ نہ کرنے والے پولیس افسران سزا کے مستحق ہیں یقیناً سزا کا اثر انکی اگلی ترقی پربھی ہوتا ہے اس لئے ضروری ہے کہ عوامی خدمت کے جذبہ کے تحت پیشہ ورانہ فرائض دیانت داری سے انجام دیں انہوں نے مزید کہا کہ پولیس افسران صرف اور صرف میرٹ کو ترجیح دیں کسی قسم کا دباؤ خاطر میں نہ لائیں۔

اردل روم میں پولیس افسران کی اپیلوں کی سماعت کرتے ہوئے ریجنل پولیس آفیسر سید خرم علی نے انسپکٹر محمد افضل حال تعینات اینٹی کرپشن کی 5 سزاؤں کے خلاف اپیل منظور کر لی انسپکٹر محمد ریاض کی سزا کو 2 سال سروس ضبطی میں تبدیل کر دیا۔

انسپکٹر ذوالفقار علی کو تھانہ صدر خانیوال کا مقدمہ نمبر 84/21اورانسپکٹر عمر دراز ایس ایچ او قادرپورراں کو مقدمات یکسو کرنے کے لئے 15 یوم کا وقت دیا۔

انسپکٹر امیر احمد کا شو کاز نوٹس،انسپکٹر عمران صدیقی وہاڑی کی ریگولر انکوائری اورسب انسپکٹر زوہیب اشفاق،سب انسپکٹر مہتاب علی،اے ایس آئی عمران رضا خانیوال کے شو کاز نوٹس جوابات تسلی بخش ہونے پر داخل دفتر کر دیئے ،سب انسپکٹر سلیمان منور ایس ایچ او بدھلہ سنت کا جواب تسلی بخش نہ ہونے پر شو کاز نوٹس جاری کیا گیا اے ایس آئی عمران رضا خانیوال کی اپیل مسترد کر دی۔

سینئر کلرک محمد طارق کا جواب تسلی بخش نہ ہو نے پر سنشورکی سزا دی گئی جبکہ جونئیر کلرک محمد طارق جاوید کا جواب تسلی بخش ہونے پر شوکاز نوٹس داخل دفتر کر دیا گیا۔