احسان مانی کو ایک اور لائف لائن ملنے کا امکان

پی ایس ایل کے سپانسرز کے دباو کی وجہ سے احسان مانی کو ایک سال کےلئے لائف لائن ملنے کا امکان ہے۔
پی سی بی ذرائع کے مطابق وزیراعظم عمران خان سے چیئرمین پی سی بی احسان مانی نے منگل کو بھی ملاقات کی، تاہم اس بار وہ اکیلے تھے۔
چیئرمین پی سی بی نے وزیراعظم کو پی سی بی اوربین الاقوامی اداروں اور اسپانسرز کے ساتھ ہونے والے معاہدوں کی تفصیلات پیش کیں۔اور بتایا کہ کچھ ایسے معاہدے ہیں جن کو پایہ تکمیل تک پہنچانے میں ایک سال کا وقت لگ سکتا ہے۔
پی ایس ایل کے نشریاتی حقوق اور پی ایس ایل فرنچائزز اور پاکستان کرکٹ ٹیم کے ٹائٹل اسپانسرشپ سے ایشو بارے بھی بتایا، جس پر وزیر اعظم نے معاہدوں کی تکمیل تک پہنچانے کےلئے وقت دینے کی حامی بھری ہے۔