انعام بٹ کا ورلڈ بیچ سیریز ریسلنگ میں گولڈ میڈل

پاکستانی ریسلر انعام بٹ نے ورلڈ بیچ سیریز ریسلنگ میں تاریخ رقم کردی، انہوں نے فری اسٹائل ریسلنگ کی 90 کلو گرام کیٹیگری میں طلائی تمغہ جیت لیا۔
فائنل میں انعام بٹ نے یوکرائن کے ریسلر کو شکست دی، انعام بٹ نے سیمی فائنل میں رومانیہ کے ریسلر کو تین صفر سے شکست دے کر فائنل میں رسائی حاصل کی تھی۔
پاکستانی ریسلر نے کوارٹر فائنل میں ترکی کے ریسلر کو چت کیا تھا۔
اس سے قبل ورلڈ بیچ ریسلنگ میں انعام بٹ کا پہلا مقابلہ یوکرائنی ریسلر کے ساتھ ہوا تھا، جس میں انہوں نے حریف کھلاڑی کو باآسانی زیر کر کے پہلی فتح اپنے نام کی تھی۔