انٹرنیشنل کرکٹ کونسل نے پلیئر آف دی منتھ کی نامزدگی کا اعلان کردیا

آئی سی سی نے ماہ اگست کے بہترین کھلاڑیوں کی فہرست میں قومی ٹیم کے فاسٹ بولر شاہین شاہ آفریدی کو بھی نامزد کیا ہے۔
ویسٹ انڈیز کے خلاف بہترین کارکردگی پیش کرنے پر شاہین آفریدی کو آئی سی سی پلیئر آف دی منتھ کے لیے نامزد کیا گیا۔
واضح رہے کہ ویسٹ انڈیز کے خلاف ٹیسٹ سیریز میں مین آف دی میچ اور مین آف دی سیریز قرار پانے والے شاہین آفریدی نے دو ٹیسٹ میچز میں 18 وکٹیں حاصل کی تھیں۔
شاہین آفریدی کے ہمراہ پلیئر آف دی منتھ کے لیے انگلش کپتان جو روٹ اور بھارتی فاسٹ بولر جسپریت بمرا کو بھی نامزد کیا گیا ہے۔
اس سے قبل قومی ٹیم کے کپتان بابر اعظم پلیئر آف دی منتھ کا اعزاز حاصل کرچکے ہیں۔
آئی سی سی پلیئر آف دی منتھ کا فیصلہ پبلک ووٹنگ کے ذریعے ہوگا، شائقین کرکٹ اپنے پسندیدہ کھلاڑی کو ووٹ دے سکتے ہیں، آئی سی سی ووٹس کو دیکھتے ہوئے پینل پولنگ کے نتائج کا اعلان کرے گا۔