میپکو کا پہلے روزے کو بلا تعطل بجلی کی فراہمی کا دعویٰ

رمضان المبارک کی پہلے روز میپکو ریجن میں بجلی کی بلاتعطل فراہمی کا سلسلہ جار ی رہا۔

چیف ایگزیکٹو آفیسر میپکو انجینئر اکرام الحق سحر افطار میں میپکو ہیڈ کوارٹر میں قائم پاور ڈسٹری بیوشن سنٹر میں بجلی فراہمی کی مانیٹرنگ کرتے رہے۔

ملتان سمیت جنوبی پنجاب میں بجلی فراہمی کی مانیٹرنگ کے لئے آپریشن سرکلوں میں سپریٹنڈنگ انجینئرز، ڈپٹی ڈائریکٹرز ٹیکنیکل، ایگزیکٹو انجینئرز اور ایس ڈی اوز سحر وافطار میں دفاتر میں موجودرہے۔

چیف ایگزیکٹو آفیسر کی ہدایت پر رمضان المبارک کے دوران بجلی کی بلاتعطل کے لئے سب ڈویژنل، ڈویژنل اور سرکل کی سطح پر ٹیمیں فعال ہیں اور چوبیس گھنٹے دفاتر اور فیلڈ میں دستیاب ہیں۔

رمضان کے پہلے روزے کے سحر، افطاراور تراویح میں ریجن کی 180سب ڈویژنوں کے کسٹمرسروسز سنٹرز اور کسٹمرکمپلینٹ سنٹرز میں لائن سٹاف مکمل ٹی اینڈ پی کے ساتھ تینوں شفٹوں میں موجود رہا اور صارفین کی جانب سے درج ہونے والی شکایات پر کم سے کم وقت میں ازالہ کیاگیا۔