ڈپٹی کمشنر علی شہزاد نے رمضان بازاروں میں چینی اور آٹے کی سپلائی بڑھانے کا حکم

ڈپٹی کمشنر علی شہزاد نے رمضان بازاروں میں چینی اور آٹے کی سپلائی بڑھانے کا حکم دیا ہے اور ہدایت کی ہے کہ چینی کے کاونٹرز پر سٹاف کی تعداد میں اضافہ کیا جائے تاکہ خریداری کے لئے صارفین کو انتظار نہ کرنا پڑے۔

انہوں نے وئیر ہاوس میں چینی کی پیکنگ اور سپلائی کے عمل کو تیز کرنیکی بھی ہدایت کی۔انہوں نے کہا کہ حکومت پنجاب نے رمضان بازاروں میں بہترین انتظامات کا حکم دیا ہے اور وزیراعلیٰ عثمان بزدار ہر شہر کے رمضان بازار کو خود مانیٹر کررہے ہیں۔

رمضان بازاروں میں آٹے،چینی،گھی کے علاوہ 13 اشیاء پر بھاری سب سڈی دی جارہی ہے۔رمضان بازاروں میں اشیائے ضروریہ کی کوئی کمی نہیں آنے دی جائے گی۔