مہنگائی روکنے کیلئے منڈیوں میں سپلائی لائن کی کڑی مانیٹرنگ کا اغاز

ضلعی انتظامیہ ملتان نے مہنگائی روکنے کیلئے منڈیوں میں سپلائی لائن کی کڑی مانیٹرنگ کا اغاز کردیا ہے۔
اس سلسلے میں گزشتہ روز ڈپٹی کمشنر عامر کریم خاں نے اچانک سبزی منڈی کا دورہ کیا۔
ڈپٹی کمشنر نے اپنی نگرانی میں ٹماٹر،پیاز سمیت سبزیوں کی نیلامی کرائی اور آڑھتیوں سے ملاقات کی۔
اسسٹنٹ کمشنر سٹی خواجہ عمیر محمود نے اس موقع پر ریٹس پر تفصیلی بریفنگ دی، ڈپٹی کمشنر عامر کریم خاں نے کہا کہ ضلع بھر کے شاپنگ مالز میں سستے ڈی سی کاؤنٹر قائم کردیے گئے ہیں، جہاں اشیا خوردونوش سستے ریٹس پر دستیاب ہیں۔سبزیوں اور پھلوں کی سستے ریٹس پر فراہمی کیلئے ہول سیل پوائنٹس بھی مکمل فعال ہیں۔
انہوں نے کہا کہ چینی کی 90 روپے فی کلو کی فراہمی جارہی ہے چینی کی بلاتعطل فراہمی کیلئے پرائس کنٹرول مجسٹریٹس کو خصوصی ٹاسک دیا گیا ہے۔
ڈپٹی کمشنر کا کہناتھا کہ مصنوعی مہنگائی پیدا کرنے والے مافیا سے آہنی ہاتھوں سے نمٹیں گے۔