تین ممالک افغانستان کی مدد کو پہنچ گئے
خبر ایجنسی نے دعویٰ کیا ہے کہ روس ، چین ، پاکستان نے افغانستان کو انسانی بنیادوں پر امدادکی فراہمی پر آمادگی ظاہر کرلی۔
خبرایجنسی کی رپورٹ کے مطابق روس کی جانب سے افغانستان کی امداد کے حوالے سے چین اور پاکستان سے گفتگو کی گئی، جس میں چین اور پاکستان نے بھی افغانستان میں امداد دینے کی رضامندی ظاہر کی۔
تین ممالک کے مذاکرات میں افغانستان کی صورت حال پر تبادلہ خیال کیا گیا جبکہ افغانستان کو فوری طور پر انسانی امداد کی فراہمی پر اتفاق کیا گیا۔
ابھی تینوں ممالک نے طریقہ کار اور امداد فراہمی کی تاریخ کا تعین نہیں کیا مگر کہا جارہا ہے کہ جلد ہی اس کا بھی حتمی فیصلہ کرلیا جائے گا۔
چینی میڈیا رپورٹ کے مطابق ایک روز بعد روس کی زیر صدارت ایک مذاکرات کا ایک اور دور ہوگا، جس میں طالبان کا وفد بھی شرکت کرے گا اور پھر اس حوالے سے حتمی فیصلہ کیا جائے گا۔
