ایڈیشنل آئی جی ساؤتھ پنجاب ڈاکٹر احسان صادق کا پولنگ سٹیشنز کا دورہ

ایڈیشنل آئی جی ساؤتھ پنجاب ڈاکٹر احسان صادق نے آر پی او ملتان کے ہمراہ مختلف پولنگ اسٹیشنز کا دورہ کیا۔

ایڈیشنل آئی جی نے ملت کالج میٹرو پولیٹن کارپوریشن پولنگ اسٹیشنز اور ممتاز آباد کے پولنگ سٹیشن چیک کئے ، اور تعینات نفری کو متحرک رہنے کی ہدایت کی۔
ان کے ساتھ اے آئی جی ڈسپلن ساؤتھ پنجاب بھی تھے۔

اس موقع پر سی پی او ملتان خرم شہزاد نے سیکیورٹی معاملات پر بریفنگ دی۔

اس موقع پر میڈیا سے گفتگو کرتے ہوئے ان کاکہنا تھا کہ پولنگ اسٹیشنز پر سیکیورٹی انتظامات کا معائنہ کیا ، عوام الناس کو پر امن ماحول فراہم کرنے کے لیے تمام تر اقدامات مکمل ہیں۔

شرپسند عناصر کو سر اٹھانے کا موقع نہیں دیا جائے گا، پولیس غیر جانبدار رہتے ہوئے قانونی پہلوؤں پر عمل پیرا ہے۔

سیکیورٹی انتظامات سے مطمئن ہوں ، تمام افسران الیکشن کے عمل کو پر امن بنانے کے لیے فیلڈ میں موجود ہیں ۔