افغان طالبان نے عام معافی کا اعلان کردیا

طالبان کی جانب سے جاری بیان میں کہا گیا ہے کہ افغان حکام اورفوجیوں کو عام معافی دی جارہی ہے، کابل میں داخل ہونے کے بعد کسی کے خلاف کوئی انتقامی کارروائی نہیں کی جائے گی۔
افغان طالبان نے کہا کہ کرونا صورت حال کے پیش نظر کابل کے اسپتالوں اور ایمرجنسی سروسز کو نہیں روکا جائے گا۔
دوسری جانب طالبان نے افغانستان کے دارالحکومت کے محاصرے کے بعد جنگجوؤں کو کابل میں داخل ہونے کا ‏حکم دے دیا ہے۔
ترجمان طالبان ذبیح اللہ مجاہد کا کہنا ہے کہ جنگجوؤں کوکابل میں داخل ہونےکاحکم دیا ہے تاکہ ‏لوٹ مار کو روکا جا سکے، انہوں نے کہا کہ عوام طالبان سےخوفزدہ نہ ہوں ، افغان فورسزجن چوکیوں کوچھوڑ رہے ہیں،ان کو طالبان ‏کنٹرول کر رہےہیں خالی چوکیوں پربکنٹرول کامقصدلوٹ مار کو روکنا ہے۔