پنجاب بھر میں دوپہر کے سکول مشروط طور پر چلتے رہیں گے، مراسلہ جاری کردیا گیا

محکمہ سکولز نے دوپہر کے سکولوں بارے ابہام کو دور کرتے ہوئے مراسلہ جاری کردیا۔

پنجاب کے تمام چیف ایگزیکٹو آفیسرز، ڈسٹرکٹ ایجوکیشن اتھارٹیز کوجاری مراسلے میں کہا گیا ہے کہ ایسے پرائمری اسکولوں کے لیے ایس او پیز جاری کئے جارہے ہیں جو دوپہر کے اسکولوں کے پروگرام (پرائمری اسکولوں کی اپ گریڈیشن)” کے عنوان سے اسکیم کے تحت ایلیمنٹری اسکولوں کے طور پر چل رہے ہیں۔

اس لئے ہدایت کی جاتی ہے کہ پرائمری اسکول جو "دوپہر کے اسکولوں کے پروگرام (پرائمری اسکولوں کی اپ گریڈیشن)” کے عنوان سے اسکیم کے تحت ایلیمنٹری اسکولوں (دوپہر کے اوقات کے دوران) کے طور پر اپ گریڈ کیے گئے تھے اور مشروط طور پر چلتے رہیں گے۔

پہلے ایسے سکول جن کو تعلیم پروگرام کے تحت چلایا جارہا ہے اور پی ایم آئی یو اس کو فنڈنگ دے رہا ہے، تمام لڑکوں کے اسکول جن میں 6ویں، 7ویں اور 8ویں جماعت میں مجموعی طور پر 50 اور اس سے اوپر کے داخلے ہیں، لڑکیوں کے تمام اسکول جن میں 6ویں، 7ویں اور 8ویں جماعت میں مجموعی طور پر 35 اور اس سے اوپر کے داخلے ہیں ان ہدایت پر سختی عمل کریں اور تمام سکولوں میں اس کو یقینی بنائیں ۔