Breaking NewsEducationتازہ ترین
علامہ اقبال اوپن یونیورسٹی نے موسم خزاں 2024 کے داخلوں کا اعلان کر دیا
![](https://dreporters.com/wp-content/uploads/2021/05/AIOU-ENTRANCE.jpeg)
علامہ اقبال اوپن یونیورسٹی (AIOU) نے ملک بھر میں 15 جولائی (پیر) سے شروع ہونے والے موسم خزاں 2024 سمسٹر کے پہلے مرحلے کے داخلوں کے آغاز کا اعلان کر دیا ہے۔
بی ایس (ریگولر)، ایم ایس، ایم فل، اور پی ایچ ڈی پروگراموں کے داخلے خصوصی طور پر آن لائن کیے جائیں گے۔
میٹرک اور ایف اے پروگرامز کے داخلہ فارم اور پراسپیکٹس 15 جولائی سے اسلام آباد میں یونیورسٹی کے مرکزی کیمپس، مختلف شہروں میں 54 علاقائی دفاتر اور سوئفٹ سینٹرز پر دستیاب ہوں گے۔
اے آئی او یو کے مطابق میٹرک اور ایف اے پروگراموں کے داخلے آن لائن اور مینوئل دونوں طریقے سے کیے جا سکتے ہیں، طلباء کی مدد کے لیے تمام علاقائی دفاتر میں سہولت مراکز قائم کیے گئے ہیں۔
طلباء کی مدد کے لیے یونیورسٹی کا عملہ ان مراکز پر دستیاب ہوگا۔