سالانہ مقابلہ حفظ قرآن کے انعقاد کا شیڈول جاری
قومی محفل شبینہ میں شرکت کے لیے قراءحضرات اور حفاظ کرام کے انتخاب کے لیے سالانہ مقابلہ حفظ قرآن کے انعقاد کا شیڈول جاری کردیا گیا ہے۔
زونل خطیب اوقاف ملتان کے دفتر سے جاری مراسلے کے مطابق ملتان، لودھراں اور خانیوال کے اضلاع میں حفظ قرآن کے مقابلے منعقد ہوں گے۔
ملتان میں جامع مسجد ملحقہ دربار حضرت بہاوالدین زکریا، لودھراں میں جامع مسجد نالے والے اور خانیوال میں جامع مسجد رحمانیہ اللہ داد ٹرسٹ جہانیاں میں 24فروری بروز جمعرات 9 بجے صبح حفظ اور قرات کے ان مقابلوں کا انعقاد کیا جائے گا۔
مقابلے میں شرکت کے خواہشمند کے لئے ضروری ہے کہ وہ باشرع ہو، حافظ قرآن ہو، قرآن مجید کا ترجمہ بامحاروہ جانتا ہو، حدر میں پڑھ سکتا ہو اور جسمانی طور پر فٹ ہو,تمام امیدوار قومی شناختی کارڈ کی نقل کی تین عدد کاپیاں اور پاسپورٹ سائز کی تین عدد تصاویر ہمراہ لائیں۔
ایسے امیدوار جو قبل ازیں مقابلے میں پانچ مرتبہ شرکت کر چکے ہیں، وہ مقابلے کے اہل نہیں ہوں گے۔
