اینٹی کرپشن نے زکریا یونیورسٹی کے پروفیسر کو طلب کرلیا

ریجنل ڈائریکٹوریٹ اینٹی کرپشن اسٹیبلشمنٹ ملتان ریجن ملتان نے زکریا یونیورسٹی کے پروفیسر کو کرپشن کے الزامات میں انکوائری میں بیانات کےلئے کل طلب کرلیا۔

بتایا گیا ہے کہ شیخ شیراز نے زکریا یونیورسٹی کے فیکلٹی آف فارمیسی کے پروفیسر ڈاکٹر محمد سہیل ارشد پر الزام لگایا تھا کہ وہ جعل سازی سے موبائل فون کے جعلی بل بنا کر خزانے سے پیسے وصول کرتے رہے اور انکوائری میں یہ الزام درست بھی ثابت ہوگیا۔

یونیورسٹی انتظامیہ نے ان کے خلاف کارروائی کے بجائے ان کا نام ڈین آف فارمیسی کےلئے ارسال کردیا، جس پر پروفیسر سہیل ارشد کے خلاف انکوائری شروع ہوئی، اب بیانات کےلئے کل طلب کرلیاگیا۔

اس سلسلے میں انٹی کرپشن کی طرف سے جاری ہونے والے مراسلے میں کہاگیاہے درخواست دھندہ شیخ شیر از امجداور گواہان ملزم پروفیسر ڈاکٹر محمد سہیل ارشد 24جولائی کو پیش ہوکر اپنا بیان جمع کرائیں عدم حاضری کی صورت میں یکطرفہ کا روائی عمل میں لائی جائے گی۔