انسداد ڈینگی سرگرمیوں کی رپورٹ اور تصاویر سسٹم میں اپ لوڈ کرنے کی ہدایت

محکمہ سکولز نے انسداد ڈینگی سرگرمیوں کی رپورٹ اور تصاویر سسٹم میں اپ لوڈ کرنے کی ہدایت کردی۔

اس سلسلے میں جاری مراسلے میں کہاگیاہے کہ مشاہدے میں آیا ہے کہ کچھ سکول انٹی ڈنیگی سرگرمیوں کی تصاویر اوررپورٹ روزانہ کی بنیاد پر اپ لوڈ نہیں کررہے ہیں، جبکہ سکول اس سلسلے میں غیر فعال ہوچکے ہیں۔

اس لئے ہدایت کی جاتی ہے کہ غیر فعال سکول فوری پر اپنے لاگن کو متحرک کریں اور روزانہ کی بنیاد پر سرگرمیوں کی رپورٹ ارسال کریں۔

جبکہ جو سکول اب اپنی سرگرمیوں کی رپورٹ  ارسال نہیں کررہے ہیں وہ جاری ایس او پیز کے مطابق اپنی تصاویر اور رپورٹ ڈیش بورڈ پر اپ لوڈ کریں ۔