انجینئرنگ اینڈ ٹیکنالوجی یونیورسٹی ملتان میں دہشت گردی سے حفاظت کے لیے موک ایکسر سائز کا اہتمام

محمد نواز شریف یونیورسٹی آف انجینئرنگ اینڈ ٹیکنالوجی ملتان میں دہشت گردی سے حفاظت کے لیے موک ایکسرسائز کا انعقادکیا گیا جس میں ایم این ایس یو ای ٹی میں دہشت گردی سے تحفظ اور ہنگامی صورتحال سے نمٹنے کی تیاری کروائی گئی۔

اس ایکسرسائز میں سیکیورٹی اہلکاروں، یونیورسٹی کے عملے اور طلبہ نے بھرپور حصہ لیا۔ موک ایکسرسائز کا مقصد کسی بھی ممکنہ دہشت گردانہ کارروائی کی صورت میں فوری اور مؤثر ردِعمل کی تربیت فراہم کرنا تھا۔

رجسٹرار یو ای ٹی ملتان ڈاکٹرعاصم عمرنے کہا کہ اس طرح کی سرگرمیاں ادارے کی سیکیورٹی کو مستحکم بنانے اور طلبہ و اساتذہ میں آگاہی پیدا کرنے کے لیے بے حد ضروری ہیں، ہم وقفہ وقفہ سے اس عمل کو کراتے ہیں تاکہ نئے طلباء کو بھی اس حوالے سے مکمل آگاہی ہو اور وہ ایمرجنسی کی صورتحال میں اپنا دفاع بھرپور انداز میں کرسکیں۔