پنجاب پولیس آفس میں موک ایکسر سائز

ایڈیشنل انسپکٹر جنرل پولیس جنوبی پنجاب کیپٹن ریٹائرڈ ظفر اقبال اعوان کے حکم پر جنوبی پنجاب پولیس آفس میں موک ایکسرسائز کا اہتمام کیا گیا ،جس میں سپیشل پروٹیکشن یونٹ کے جوانوں نے حصہ لیا۔
ایڈیشنل انسپکٹر جنرل پولیس جنوبی پنجاب کیپٹن ریٹائرڈ ظفر اقبال اعوان نے کہا کہ موک ایکسر سائز کا مقصد اداروں کی کارکردگی، افسروں اور جوانوں کی استعداد کار جانچنا ہے ،کسی ناگہانی صورتحال میں کم سے کم ریسپانس ٹائم کا اندازہ کرنا ہے ۔
انہوں نےکہا کہ جنوبی پنجاب پولیس جرائم پیشہ عناصر کے خاتمے کے لیے کوشاں ہے، اہم تنصیبات کے ساتھ اس خطے کی تعمیر و ترقی میں مشغول غیر ملکی انجینیئرز کی حفاظت کو یقینی بنا رہے ہیں ۔
انہوں نے کہا کہ پولیس شر پسند عناصر سے نمٹنے کے لیے ہمہ وقت تیار ہے، پولیو ٹیموں کی حفاظت کو یقینی بنایا جارہا ہے۔
انہوں نے کہا کہ جرائم کی شرح میں کمی کے لیے جنوبی پنجاب کے تمام اضلاع میں اشتہاری ملزمان اور عدالتی مفروران کی گرفتاری کی 15 روزہ مہم بھر پور طریقے سےجاری ہےش اور روزانہ کی بنیاد پر تمام اضلاع سے رپورٹ لی جا رہی ہے۔