پنجاب میں ہونہار سکالر شپ کے لئے رجسٹریشن شروع کردی گئی

وزیراعلیٰ پنجاب کی ہدایت پر ہونہار سٹوڈنٹس کی مالی امداد کیلئے ہونہار اسکالرشپ پروگرام کا آغاز کردیا گیا، جس کے تحت 30 ہزار ہونہار طلبا و طالبات کو ہر سال اسکالر شپ دیا جائے گا۔

ہونہاراسکالر شپ پروگرام کے تحت 68 ڈسپلنز میں سالانہ 30 ہزار طلبہ کو اسکالر شپ دیا جائے گا، پروگرام کے تحت 50 پبلک سیکٹریونیورسٹیز، 16 میڈیکل کالجز ،131 گریجویٹ کالجز کے طلبہ کو سکالر شپ دی جائے گی اور 4 سال میں 130ارب روپے کے وظائف فراہم کئے جائیں گے اور آئندہ 4 سالوں میں ایک لاکھ 20ہزار طلبہ مستفید ہوں گےجبکہ پنجاب کے طلباء میں جلد 40 ہزار لیپ ٹاپس بھی تقسیم کریں گے۔