ایئر یونیورسٹی میں بڑی تقریب
ایئر یونیورسٹی ملتان کیمپس کے زیر اہتمام تقریب کا انعقاد کیا گیا، جس کے مہمان خصوصی ڈائریکٹر کیمپس ڈاکٹر غلام علی تھے، تقریب میں اعلیٰ کارکردگی کے حامل فیکلٹی و سٹاف ممبران میں تعریفی سرٹیفکیٹ تقسیم کئے گئے ۔
ڈائریکٹر کیمپس ڈاکٹر غلام علی نے تقریب سے خطاب کرتے ہوئے کہاکہ محنتی افسران و ملازمین کیمپس کے ماتھے کا جھومر ہیں ، انسان محنت اورلگن سے ناممکن کو ممکن بنا سکتا ہے ۔افسران و ملازمین کی حوصلہ افزائی سے ان میں مزید محنت اورلگن سے کام کرنے کا جذبہ پیدا ہوتا ہے ۔ایئر یونیورسٹی ملتان کیمپس اس روایت برقرار رکھے گا ۔
ذس موقع پر ڈپٹی ڈائریکٹر ایڈمن سکوارڈرن لیڈر(ر)علی عمران بٹ نے افسران و ملازمین کی حوصلہ افزائی پر ڈائریکٹر کیمپس ڈاکٹر غلام علی کو خراج تحسین پیش کیا، ان کا کہناتھا کہ ڈائریکٹر غلام علی کی قیادت میں کیمپس دن دوگنی رات چوگنی ترقی کررہا ہے ۔
اس موقع پر اسسٹنٹ ڈائریکٹر ایڈمن ممتاز خان نیازی ، اسسٹنٹ ڈائریکٹر فنانس خالد بشیر،ایڈمن انچارج منیر احمد ، لائبریری انچارج خالدہ صدیقی ،نیٹ ورک ایڈمنسٹریٹر ہارون احمد ،سینئر سپورٹ انجینئر محمد ساجد ، ایم ٹی او محمد خالد و دیگر موجود تھے۔
