پرائمری سکولوں میں آرٹیفیشل انٹیلیجنس سیکھانے کا فیصلہ

پرائمری سکولوں میں مصنوعی ذہانت کی تعلیم دی جائے گی۔

وفاقی تعلیم اور پیشہ ورانہ تربیت کی وزارت نے انفارمیشن کمیونیکیشن ٹیکنالوجی اور مصنوعی ذہانت کے لیے ایک نیا نصاب متعارف کرایا ہے جو دارالحکومت کے پرائمری اسکولوں میں گریڈ 1 سے 5 تک پڑھایا جائے گا۔

وزارت تعلیم نے بتایا کہ یہ نیا نصاب اس کا مقصد طلباء کو ضروری آئی ٹی اور اے آئی مہارتوں سے آراستہ کرنا، انہیں ایک مضبوط بنیاد فراہم کرنا اور مستقبل کی تکنیکی ترقی کے لیے تیار کرنا ہے نصاب کو ڈیزائن کیا گیا ہے تاکہ طلباء کے آگے بڑھنے کے ساتھ ساتھ ٹیکنالوجی اور اے آئی میں کیریئر کے امید افزا راستے کھولے جائیں۔

اسی طرح اس پراجیکٹ کا ایک مرحلہ پنجاب میں لاہور سے شروع ہوگا، گورنمنٹ کینئرڈ گرلز ہائی سکول ایمپرس روڈ میں پہلی آرٹیفیشل انٹیلیجنس لیب بنائی جائے گی۔

وزیر اعلی مریم نواز آرٹیفیشل انٹیلیجنس لیب کا آئندہ ہفتے افتتاح کریں گی۔

آرٹیفیشل انٹیلیجنس کورس کی کامیابی کے بعد مذکورہ لیبز دیگر اضلاع ملتان ، خانیوال ، رحیم یا ر خان، بہاولپور ڈیرہ غازی خان کے سکولوں میں بھی بنائی جائیں گی۔

سکول ایجوکیشن ڈیپارٹمنٹ کے مطابق موجودہ دور کے تقاضوں کے مطابق سرکاری سکولز کے بچوں کو جدید ٹیکنالوجی سے آراستہ کیا جائے گا۔