پاکستانی بیٹنگ لائن لڑکھڑا گئی، آسٹریلیا کو سیریز جیتنے کے لئے 118 کا ہدف
پاکستان آسٹریلیا کے مابین تین میچوں پر مشتمل ٹی ٹوئینٹی سیریز کے آخری میچ میں پاکستان نے آسٹریلیا کو جیت کے لئے 118 رنز کا ٹارگٹ دیا ہے، گرین کیپس 19 ویں اوور میں 117 رنز بناکر آؤٹ ہوگئی۔
یہ گرین کیپس کا ٹی ٹوئینٹی میں 18 واں جبکہ آسٹریلیا کے خلاف چوتھا کم ترین ٹوٹل ہے، اس سے قبل پاکستان کا کم سے کم 74 رنز پر آؤٹ ہونے کا ریکارڈ ہے، اس میچ میں بھی مد مقابل آسٹریلیا ہی تھا ۔
بابر اعظم 41، وکٹ کیپر بیٹسمین حسیب اللہ خان 24 رنز بناکر نمایاں سکورر رہے ، شاہین شاہ آفریدی کے برق رفتار 16 رنز
سیریز کے تیسرے اور آخری میچ میں پاکستان نے ٹاس جیت کر پہلے بیٹنگ کا فیصلہ کیا۔
یہ بھی پڑھیں ۔
پاکستان آسٹریلیا ٹی ٹوئینٹی سیریز: تیسرے میچ کےلئے پاکستانی ٹیم کا اعلان کردیا گیا، محمد رضوان ٹیم میں سے آؤٹ
بابر اعظم صاحبزادہ فرحان نے اننگ کا اغاز کیا، پاکستانی ٹیم ایک بار پھر بڑا اوپننگ سٹینڈ دینے میں ناکام ہوئی اور 17 کے مجموعی سکور پر صاحبزادہ فرحان 9 رنز بنا کر کر سپنسر جانسن کی بال زیوئیر بارٹلیٹ کے ہاتھوں کیچ آؤٹ ہوئے۔
یہ بھی پڑھیں ۔
پاک آسٹریلیا ٹی ٹوئینٹی سیریز: تیسرے میچ میں پاکستان کا ٹاس جیت کر پہلے بیٹنگ کا فیصلہ
دوسری وکٹ کی شراکت داری میں 44 سکور بنے، 61 کے ٹوٹل پر ون ڈاؤن آنے والے حسیب اللہ خان نے 24 بناکر بابر اعظم کا ساتھ چھوڑ دیا ، انہوں نے 3 چوکوں کی مدد سے 24 رنز بنائے اور ایڈم زمپا کی گیند پر میتھو شارٹ نے ان کو کیچ اوٹ کیا۔
ابتدائی دو وکٹیں گرنے کے بعد پاکستانی بیٹنگ ڈگمگا گئی اور خزاں رسیدہ پتوں کی مانند پاکستانی وکٹیں گرتی رہیں۔ عثمان خان 3 اور کپتان سلمان علی آغا 1 بناکر بالترتیب 64 اور 70 کے مجموعے پر پویلین لوٹ گئے۔
یہ بھی پڑھیں ۔
ڈیبیو کرنے والے جہاندار خان آسٹریلیا کے خلاف جوہر دکھانے کےلئے پُرجوش
4 وکٹیں گرنے کے بعد بابر اعظم مزید مزاحمت نہ کرسکے اور 91 کے مجموعے پر 41 رنز پر ایڈم زمپا کی گیند پر بولڈ آؤٹ ہوگئے، انکی اننگ میں 4 چوکے شامل تھے۔
محض ایک رنز اضافے کے بعد عباس آفریدی بھی آرون ہارڈی کی بال پر میتھیو شارٹ کو کیچ دے بیٹھے ۔
شاہین آفریدی نے کھیل کو دلچسپ بناتے ہوئے 1 چھکے 2 چوکوں کی مدد سے 16 رنز بنائے، شارٹ کھیلنے کی کوشش میں وکٹوں کے پیچھے کیچ آؤٹ ہوئے ، ان کہ وکٹ زیوئر بارٹلیٹ کے حصے میں آئی ۔
سفیان مقیم بنا کوئی رن بنائے ناٹ تھے جبکہ حارث رؤف 0 پر آؤٹ ہوئے ۔
آسٹریلیا کی جانب سے آرون ہارڈی نے 3، سپنسر جانسن ، ایڈم زمپا نے 2-2، جبکہ ناتھن ایلس اور زیوئیر بارٹلیٹ نے 1-1 کھلاڑی کو آؤٹ کیا ۔
