عثمان خواجہ شراب سے بچنے کیلیے جشن چھوڑ گئے، ویڈیو وائرل

آسٹریلیا کے مسلمان ٹیسٹ کرکٹر عثمان خواجہ جیت کے جشن میں بھی عقیدہ نہیں بھولے۔

ایشیز سیریز کی فتح کے جشن کے دوران شراب کی بوچھاڑ سے بچنے کیلئے پاکستانی نژاد عثمان ‏خواجہ بچ بچا کر نکل گئے۔
چند ہی لمحوں بعد کپتان کو اہم کھلاڑی کے اسٹیج سے اتر جانے کا احساس ہوا تو انہوں نے فوری ‏طور ایکشن لیا۔
گروپ تصویر لیتے وقت آسٹریلوی کپتان پیٹ کمنز نے ساتھی کھلاڑیوں کو مزید شراب کےجشن ‏سےروکا اورعثمان خواجہ کو دوبارہ بلایا۔

آسٹریلوی کپتان کے اس اقدام کو سوشل میڈیا پر سراہا جارہا ہے ، اور صارفین اس مختصر ویڈیو کلپ ‏کو شیئر کرتے ہوئے اپنے خیالات کا اظہار کررہے ہیں۔