بہاولپور کرکٹ ایسوسی ایشن کے نائب صدر اور جوائنٹ سیکرٹری کے الیکشن یکم اپریل کو ہوں گے

پاکستان کرکٹ بورڈ نے بہاولپور کرکٹ ایسوسی ایشن کے کامیاب عہدیداروں کا اعلان کردیا تھا، جس میں صدر کے لئے شہزاد انور، سیکرٹری اختر منیر پیرزادہ اور خزانہ دار کےلئے ساجد خان کا نوٹیفکیشن جاری کیا جب کہ ایسوسی ایشن کے دیگر معاملات کو طے کرنے کےلئے نائب صدر اور جوائنٹ سیکرٹری کےلئے الیکشن کرانے کا فیصلہ کیا گیا۔

جس کے لئے طاہر منیر پیرزادہ کو الیکشن کمشنر مقرر کیا گیا ہے جبکہ خواہشمند افراد ایسوسی ایشن کے کوآرڈینٹر فیصل الٰہی سے فارم حاصل کرسکتے ہیں۔

فارم جمع کرانے کی آخری تاریخ 28اپریل مقرر کی گئی ہے، الیکشن یکم اپریل کو بہاولپور سٹیڈیم میں منعقد ہوں گے ۔

دریں اثنا بہاولپور کرکٹ ایسوسی ایشن کااجلاس منعقد ہوا، جس میں الیکشن کے انعقاد اور ڈسٹرکٹ کرکٹ چیمپئن شپ کے انعقاد کی منظوری دی گئی ۔