ٹریننگ کرنے والے اساتذہ کی بھی حاضری آن لائن کردی گئی

سکول ایجوکیشن ڈیپارٹمنٹ نے ٹریننگ حاصل کرنے والے تمام اساتذہ کی حاضری کو آن لائن کردیا،آدھا گھنٹہ لیٹ آنے والے اساتذہ غیر حاضر شمار ہوں گے۔

سکول ایجوکیشن ڈیپارٹمنٹ نے قائد اکیڈمی فار ایجوکیشنل ڈویلپمنٹ کے زیر اہتمام ہونے والی اساتذہ کی تمام تربیتی ورکشاپ کوآن لائن کردیا ۔

ٹریننگ حاصل کرنے والے اساتذہ ایپ ڈان لوڈ کریں گے ۔ ٹریننگ سیشن صبح کے گروپ میں سات بج کر پنتالیس منٹ سے سوا آٹھ بجے تک حاضری جاری رہے گی۔

دوسرے گروپ میں بارہ بج کر پنتالیس منٹ سے سوا ایک بجے تک حاضری جاری رہے گی۔

اس کے بعد حاضری کا لنک بند ہو جائے گا ، اور بعد میں آنے والے ٹیچرز غیر حاضر شمار ہوں گے۔