میٹرک اور نویں کے امتحانات کی ڈیٹ شیٹ کا اعلان

تعلیمی بورڈ ملتان سمیت پنجاب کے نو تعلیمی بورڈز نے میڑک اور نویں کے امتحانات کی ڈیٹ شیٹ کااعلان کر دیا۔

جاری شیڈول کے مطابق امتحانات کا آغاز 27 مارچ 2026 بروز جمعہ سے ہوگا اور یہ سلسلہ16مارچ تک جاری رہے گا۔

صبح کی شفٹ کے پرچے صبح 09:00 بجے شروع ہوں گے جبکہ شام کی شفٹ کے پرچے دوپہر 02:00 بجے (بروز جمعہ 02:30 بجے) منعقد ہوں گے نویں کے امتحانات کا آغاز 17اپریل سے ہوگا جو 8 مئی تک جاری رہے گا، پریکٹیکل کا آغاز12 مئی سے ہوگا جو 22 مئی تک جاری رہے گا۔

حکام کا کہنا ہے کہ امیدوار شیڈول کو غور سے دیکھیں، اپنی تیاری کو حتمی شکل دیں اور پرچہ شروع ہونے سے کم از کم 30 منٹ قبل امتحانی مرکز پہنچنا یقینی بنائیں، والدین سے درخواست ہے کہ بچوں کی حوصلہ افزائی کریں اور ان کے مطالعے میں معاون ثابت ہوں۔