تعلیمی بورڈ ملتان کے اسسٹنٹ دوران عمرہ انتقال کرگئے

محمد اسلم ربانی اسسٹنٹ کنڈکٹ برانچ تعلیمی بورڈ ملتان عمرہ کی ادئیگی کے دوران ظہر کی نماز ادا کرتے ہوئےانتقال کرگئے، ان کی وفات پر ملتان بورڈ کی انتظامیہ بورڈ ملازمین اور ایمپلائز ویلفیرایسوسی ایشن کے عہدیدران نے اظہارتعریت کی ہے ۔

اس موقع پر صدر ایمپلائز ویلفیرایسوسی ایشن ملک نثار احمد نے اظہار خیال کرتے ہوے کہاکہ حالتِ عبادت میں وفات پانا ایک عظیم سعادت ہے۔
محمد اسلم ربانی ایک فرض شناس، نیک سیرت اور خوش اخلاق ملازم تھے جن کی خدمات کو ہمیشہ یاد رکھا جائے گا۔

ترجمان ایمپلائز ویلفیرایسوسی ایشن تعلیمی بورڈ ملتان محمد الیاس نوناری نے کہاکہ مرحوم کے درجات کی بلندی، مغفرت اور لواحقین کے لیے صبرِ جمیل کی دعا کرتے ہیں۔