تعلیمی بورڈ ملتان : سپورٹس کمپلیکس ارشد ندیم کے نام سے منسوب

تعلیمی بورڈ ملتان کے بورڈ آف ڈائریکٹرز نے سپورٹس کمپلیکس کانام ارشد ندیم سے منسوب کردیا۔

اس سلسلے میں سیکرٹری بورڈ خرم شہزاد اسلم قریشی نے مراسلہ جاری کردیا جس میں کہا گیا ہے کہ بورڈ نے اپنے 376ویں اجلاس میں ایجنڈا کے آئٹم نمبر 03 کے تحت "اسپورٹس کمپلیکس، ملتان” کا نام بدل کر "اولمپئن ارشد ندیم اسپورٹس کمپلیکس ملتان” رکھنے کی منظوری دے دی ہے ۔

پیرس اولمپکس، 2024 میں شاندار کاکردگی دکھانے والے ارشد ندیم” نے ،ملتان بورڈکے سیشن 2011-2012 اور 2012-13 کے لیے منعقدہ کھیلوں کی سرگرمیوں کا فراہم کردہ ریکارڈ کا تجزیہ کرنے کے بعد، متفقہ طور پر منظوری دی گئی۔

ہاوس ا س بات کی توقع رکھتا ہے کہ بورڈ ملتان کی انتظامیہ کا یہ قدم نوجوانوں کے لیے حوصلہ افزائی اور تحریک کا باعث بنے گا اور ساتھ ہی خطے میں کھیلوں کے کلچر کو بھی فروغ دے گا۔