تعلیمی بورڈ ملتان یونین کے الیکشن : ملک نثار 11ویں مرتبہ صدر منتخب
ایمپلائز یونین تعلیمی بورڈ کا الیکشن، اتحاد گروپ 11ویں مرتبہ مسلسل کامیاب ، ابابیل گروپ کو شکست کا سامنا کرنا پڑا۔
تفصیل کے مطابق ایمپلائز یونین تعلیمی بورڈ کے الیکشن 2023-24 کا انعقادہوا، دوسال بعد ہونے والے الیکشن کی نگرانی سیکرٹری بورڈ خرم شہزاد قریشی نے کی ، الیکشن کمشنر رؤف کھوکھر کی طرف سے جاری ہونے والے نتائج کے مطابق اتحاد گروپ نے مسلسل 11 ویں مرتبہ جیت اپنے نام کی۔
ملک نثار ایک بار پھر 477ووٹ لیکر صدر بن گئے ، محمد یونس صدیقی سینئر نائب صدراول ، محمد اکبر سنیئرنائب صدر ،دوم، مجاہد حسین بلوچ نائب صدر، جواد نعیم بھٹی نائب صدر دوم، شیخ عمران جنرل سیکرٹری، ظفر حسین ایڈیشنل سیکرٹری ، چودھری احسان الہی ڈپٹی جنرل سیکرٹری، محمد تیمور ڈپٹی جنرل سیکرٹری دوم، حافظ یحیٰ فنانس سیکرٹری، ملک محمد رمضان آفس سیکرٹری، محمد الیاس نوناری پریس سیکرٹری، سید باقر حسین جوائنٹ سیکرٹری اور حضور بخش آڈیٹر کی سیٹ پر منتخب ہوئے۔
