انٹرمیڈیٹ کے نتائج، پوزیشن ہولڈرز کا اعلان تین ستمبر کو کیا جائے گا

تعلیمی بورڈ ملتان انٹرمیڈیٹ کے سالانہ امتحان 2024 میں پوزیشن حاصل کرنے والے طلبا کےنام کااعلان تین ستمبر کوکرے گا، اس سلسلے میں جاری مراسلے میں کہا گیا ہے کہ طلباء و طالبات کو آگاہ کیا جاتا ہے کہ انٹر میڈیٹ (پارٹ سیکنڈ ) پہلا سالانہ امتحان رزلٹ بدھ صبح 10:00 بجے شائع کیا جائے گا۔

طلبا و طالبات اپنا رزلٹ بورڈ کی ویب سائٹ پر دیکھ سکتے ہیں جبکہ امتحان میں پوزیشن حاصل کرنےوالے طلبا وطالبات کے ناموں کااعلان منگل کی شام کو کیا جائے گا۔

علاوہ ازیں ایسے امیدواران جو اپنے مضمون / مضامین کی ری چیکنگ کروانا چاہتے ہوں وہ بورڈ قانون کے مطابق رزلٹ شائع ہونے کے بعد 15 دن کے اندر اپنی درخواست آن لائن اپلائی کرنے کے بعد مجوز و فیس اور درخواست کی ہارڈ کاپی ملتان بورڈ میں جمع کروائیں گے۔