کتابیں مہنگی ہونے کا امکان

این او سی اور لائسنس کی تجدید کی فیس میں اضافے کے بعد کتابیں مہنگی ہونے کا امکان بڑھ گیا۔

تفصیل کے مطابق پبلیشرز نے کتابیں مہنگی کرنے کا عندیہ دے دیا، پرائیویٹ سکولوں کے لیے چھاپی جانے والی کتابوں کے چالیس سے پچاس فیصد تک بڑھیں گی۔

پبلشرز کا کہنا ہے کہ این او سی اور لائسنس کی تجدید کی فیس میں اضافے کے بعد کتابیں مہنگی کیے بغیر اخراجات پورے نہیں ہونگے، کتابوں کے این او سی کے لائسنس کی فیس 20 ہزار سے بڑھا کر ڈیڑھ لاکھ کی گئی ہے، لائسنس تجدید کی فیس 5 ہزار سے بڑھا کر 75 ہزار کردی گئی ہے۔