زکریا یونیورسٹی کے کانووکیشن کےلئے تیاریاں شروع

بہاالدین زکریا یونیورسٹی ملتان کے 16ویں کانووکیشن کے انعقاد کے لیے تیاریاں شروع کردیں گئیں ہیں۔

اس ضمن میں وائس چانسلر پروفیسر ڈاکٹر منصور اکبر کنڈی نے انتظامات کے لیے متعدد کمیٹیاں تشکیل دے دی ہیں ۔

اس حوالے سے انویٹیشن کمیٹی کا اجلاس منعقد ہوا ، جس کی صدارت ڈین ڈاکٹر حافظ عبد الرحیم نے کی۔
جبکہ رجسٹرار صہیب راشد خان ، کنٹرولر ڈاکٹر امان اللہ ، سیکرٹری ٹو وائس چانسلر محمد امین و دیگر ممبران نے شرکت کی ۔

اجلاس میں میڈیا سمیت شہر بھر سے معزز مہمانوں کو مدعو کرنے کے لیے جائزہ لیا گیا، اور سفارشات وائس چانسلر پروفیسر ڈاکٹر منصور اکبر کنڈی کو ارسال کردی گئی ہیں۔