اکیڈمک سٹاف ایسوسی ایشن کی حلف برداری تقریب میں ہنگامہ، سٹیج پر احتجاجی اساتذہ کا قبضہ۔۔۔فوٹیج صرف "ڈی رپورٹرز” پر
اکیڈمک سٹاف ایسوسی ایشن کے تقریب میں اساتذہ کا ہنگامہ ، دست وگریباں ہوتے ہوتے رہ گئے۔
جمعرات کی شب ہونے والی اے ایس اے کی تقریب میں اس وقت ہنگامہ کھڑا ہوگیا جب اکیڈمک سٹاف ایسوسی ایشن کے صدر ڈاکٹر محمد ریاض نے تقریر کے دوران یونیورسٹی کی فی میل ٹیچر کے آفس کوتالے لگانے کی بات کی تو ڈین سوشل سائنس ڈاکٹر عمران شریف کی طرف سے شدید ردعمل سامنے آیا، جس کے بعد اپوزیشن کے دیگر اساتذہ نے احتجاج شروع کردیا ،اور ہنگامہ آرائی کے دوران اساتذہ سٹیج پر چڑھ گئے اور مائیک پر خطاب شروع کردیا۔
جس پر ڈائریکٹر فوڈ سائنس ڈاکٹر سعید اختر، ڈاکٹر مقرب اکبر اور دیگر اساتذہ نے معاملے کو رفع دفع کروایا ، جس کے بعد تقریب کو دوبارہ شروع کیا گیا، جبکہ ڈاکٹر عمران شریف اوران کے ساتھی تقریب کا بائیکاٹ کرکے چلے گئے۔
اس بارے میں بزوٹاکا کہنا تھا کہ ، آج یونیورسٹی کی عزت میں جو اضافہ یو ٹی ایف نےوہ تاریخ میں نہیں ہوا ، حلف کے موقع پر باہر کے لوگوں کو بدمعاشی کے لیے بلوایا گیا انہوں کس قاعدے و قانون کے تحت کیا پھر خود کو حلیم طبیعیت کہنا بھی ڈرامہ ہے۔
آج سے پہلے اساتذہ کی ایسی بے توقیری نہیں ہوئی تھی جبکہ یوٹی ایف کے ترجمان کا کہنا تھا کہ تقریب میں کوئی آوٹ سائیڈر نہیں تھا جو ہوا وہ نہیں ہونا چاہیے تھا ہم بھی تین برس تمام باتیں برداشت کرتے رہے رہیں تنقید کا حق کسی کو چھیننے نہیں دیں گے حقیقت سب کے سامنے ہے ۔
