زکریا یونیورسٹی کی بسوں کے فلیٹ کے لئے شیڈ تیار

بہاء الدین زکریایونیورسٹی ملتان میں یونیورسٹی کی بسوں کے لیے شیڈ بنایا گیا ہے، جس کا افتتاح وائس چانسلر پروفیسر ڈاکٹر منصو راکبر کنڈی نے کیا۔

وائس چانسلر نے کام کی کوالٹی کو سراہا اور پراجیکٹ ڈائریکٹر ونگ کو مبارک باد پیش کی۔

افتتاح کے موقعہ پر ڈین ڈاکٹر محمد عزیر، چیئرمین ٹرانسپورٹ ڈاکٹر ناظم حسین لابر ، کنٹرولر امتحانات ڈاکٹر امان اللہ ،چیئرمین ڈاکٹر فواد رسول اور دیگر موجود تھے۔

پراجیکٹ ڈائریکٹر انجینئر ڈاکٹر تنویر احمد خان نے شیڈ کے بارے بریفنگ دیتے ہوئے بتا یا کہ اس شیڈ میں دس بسیں کھڑی کرنے کی گنجائش ہے اور اس شیڈ کی تعمیر پر 90 لاکھ روپے لاگت آئی ہے۔

بسوں کو دھونے کے لیے ایک واشنگ ایریا بھی بنایاگیاہے۔

یہ منصوبہ پراجیکٹ ڈائریکٹر انجینئر ڈاکٹر تنویر احمد خان اور انجینئر عمران احمد شیخ کی نگرانی میں مکمل ہوا ہے ۔