تعلیمی بورڈ ملتان میں ایمپلائز یونین کا الیکشن میلہ سج گیا

ایمپلائز یونین تعلیمی بورڈ ملتان کے الیکشن کے لئے سرگرمیاں شروع،آج سے کاغذات نامزدگی وصول کئے جائیں گے۔

تفصیل کے مطابق ایمپلائز یونین تعلیمی بورڈ کے الیکشن کی سرگرمیاں شروع ہوگئیں الیکشن کمشنر کی طرف سے جاری شیڈول کے مطابق آج 19 دسمبر سے کاغذات نامزدگی وصول کئے جائیں گے، جانچ پڑتال کا کام جمعہ 20 دسمبر کو مکمل کیا جائے گا۔

21دسمبر کو کاغذات نامزدگی واپس لئے جاسکیں گے،اور امیدواروں کی حتمی لسٹ جاری کی جائے گی،انتخابی مہم 23سے 26دسمبر تک چلائی جاسکے گی، پولنگ 28دسمبرکو ہوگی جوصبح 10 سے د و بجے تک بلا تعطل جاری رہے گی، نتائج کا اعلان گنتی کے بعد فوری کیا جائے گا۔