سیلاب متاثرہ علاقوں کے طلباء کےلئے سکالرشپ کا اعلان کردیا گیا

زکریا یونیورسٹی نے سیلاب متاثر علاقوں کے طلباء سے سکالرشپ کےلئے درخواستیں طلب کرلی ہیں ۔

نیڈ بیس یوایس ایڈ سکالرشپ کےلئے درخواستیں 10 اپریل تک جمع کرائی جاسکتی ہیں، ایسے طلباء جو چھٹے سمسٹر میں پڑھتے ہوں درخواست دینے کے لئے اہل ہیں ۔

ایسے طلبا جو شام کی کلاسز میں پڑھتے ہیں وہ درخواست دینے کےلئے اہل نہیں ، صرف ان علاقوں کے طلبا درخواست دے سکتے ہیں جن کو این ڈے ایم اے نے سیلاب متاثرہ قرار دیا ہے ۔

ڈائریکٹر پروفیسر ڈاکٹر محمد عذیر کا کہناہے تمام شعبوں کے چیئرمینوں کو ہدایت کی جاتی ہے کہ وہ مقررہ تاریخ تک درخواستیں وصول کرکے سکروٹنی کے بعد 17 اپریل تک سکالرشپ سیل میں جمع کرادیں۔