آفیسرز ایسوسی ایشن زکریا یونیورسٹی کے الیکشن کا اعلان، 14جون کو پولنگ ہوگی

زکریا یونیورسٹی کے آفیسرز ایسوسی ایشن کے الیکشن کا اعلان کردیا گیا ہے۔

چیف الیکشن کمشنر رجسٹرار زکریا یونیورسٹی محمد زبیر خان کی طرف سے جاری ہونے والے شیڈول کے مطابق گروپس کی تجدید اور نئے گروپ کی رجسٹریشن 5جون تک کرائی جاسکے گی، جبکہ تجدید فیس 5ہزار اور نئے گروپ کی رجسٹریشن فیس 25 ہزار روپے مقرر کی گئی ہے ۔

شیڈول کے مطابق کاغذات نامزدگی 6جون کو جاری کئے جائیں گے ، جن کو جمع کرانے کی آخری تاریخ 7جون مقرر کی گئی ہے، 8جون کو کاغذات کی سکروٹنی کی جائے گی۔

امیدواروں کی حتمی فہرست 9جون کو جاری کی جائے گی ، جبکہ پولنگ 14جون کو ہوگی پولنگ صبح 9 بجے سے 3 بجے تک جاری رہے گی۔

الیکشن نتائج کا اعلان ساڑھے تین بجے کیا جائے گا ۔