Breaking NewsEducationتازہ ترین
زکریا یونیورسٹی فائرنگ سے گونج اٹھی، سیکورٹی اہلکار دیکھتے رہ گئے۔ خصوصی فوٹیج صرف "ڈی رپورٹرز” پر
زکریا یونیورسٹی میں ایک بار پھر ہنگامے پھوٹ پڑے، ایک ہفتے میں تیسرا بڑا واقعہ ہوگیا، سیکورٹی مکمل بے بس نظر آرہی ہے۔
گزشتہ سہ پہر پی ایس ایف اور آئی ایس ایف آمنے سامنے آگئیں ، جعفر کنٹین پر انصاف سٹوڈنٹس نے پی ایس ایف کے حنظلہ بھٹہ کو تشدد کا نشانہ بنایا، جس کی اطلاع پر فوڈ سائنس کنٹین پر پی ایس ایف والے اکھٹے ہونے لگے جو پستول اور ڈنڈوں سے لیس تھے ۔
اطلاع ملتے ہی سیکورٹی اہلکار اور افسر موقع پر پہنچے ،مگر طلبا پکڑائی نہ دیے اور ایک دوسرے پر فائرنگ شروع کردی ۔
دونوں طر ف سے سڑیٹ فائرنگ کی گئی جس سے یونیورسٹی میں خوف وہراس پھیل گیا۔
پی ایس ایف کی طرف سے علی گجرمحمد سفیان، منیب گجر جبکہ آئی ایس ایف کی طرف سے خضر جوئیہ ، میاں دانیال نےفائرنگ کی۔
تاہم پولیس کی آمد پر دونوں پارٹیاں فرار ہوگئیں۔
