زکریا یونیورسٹی کے تمام یونینز نے بڑا مطالبہ کردیا

زکریا یونیورسٹی کی تین یونینز نے 15فیصد الاؤنس کےلئے وائس چانسلر کو مراسلہ ارسال کردیا ۔

تفصیل کے مطابق زکریا یونیورسٹی کے اکیڈمک سٹاف ایسوسی ایشن کے صدر ڈاکٹر محمد ریاض، آفیسر ایسوسی ایشن کے رانا جنگ شیر ، اور ایمپلائز یونین کے صدر ملک صفدر حسین نے مراسلہ ارسال کیا ہے کہ فنانس ڈیپارٹمنٹ نے جولائی میں پنجاب حکومت کے ملازمین کو 15 فیصد الاؤنس دینے کی منظوری دی تھی۔

اس سے قبل پنجاب حکومت نے 25 فیصد الاؤنس دیا ، جس کی منظوری سینڈیکٹ سے لی جاچکی ہے۔
اسی تناظر میں اب 15فیصد الاؤنس کی منظور ی کےلئے کیس سینٹ میں پیش کیا جائے یا سینٹ کی بنیاد پر منظوری دی جائے تاکہ ملازمین میں پائے جانے والی بے چینی کا خاتمہ ہوسکے ۔