کپتان شمشیر قریشی میموریل فٹبال ٹورنامنٹ ہمالیہ کلب کے نام
ڈی ایف اے ملتان اور نیو ملتان فٹبال کلب کے اشتراک سے ڈویژنل سپورٹس گراؤنڈ میں کھیلے گئے کپتان شمشیر قریشی میموریل فٹبال ٹورنامنٹ میں فائنل میچ ہمالیہ کلب اور مدنی کلب کے مابین کھیلا گیا ۔
یکطرفہ مقابلے کے بعد ہمالیہ کلب نے صفر کے مقابلے میں پانچ گول سے کامیابی حاصل کر کے ٹائٹل اپنے نام کیا ۔
فاتح ٹیم کی جانب سے نعمان نے دو گول شان حیدر ، سمیر، جہانزیب نے ایک ایک گول کیا۔
ریفریز رانا مشتاق ،اشفاق احمد، عدنان حیدر، ابرہیم انصاری، انیس احمد نے میچ کو سپروائز کیا ۔
ٹیکنیکل کمیٹی رانا باقر علی، عارف محمود، نوید اکرم سابق انٹرنیشنل فٹبالرز پر مشتمل تھی ۔
مہمان خصوصی صدر ڈی ایف اے ملتان میاں جاوید قریشی نے کھیل کے اختتام پر کھلاڑیوں، آفیشلز ، ورکرز میں ٹرافیز، میڈلز اور کیش پرائز تقسیم کئے۔
اس موقع پر کھیلوں کی اہمیت پر زور دیتے ہوئے انہوں نے کہا کہ کھیل صحت مند معاشرے کی علامت ہیں ، ان کے فروغ کے لیے ہر ممکن اقدامات کیے جائیں گے ۔
اس موقع پر آصف لاہوری، حیدر قریشی ، رانا کاشف ، رانا مدثر، شیخ مقیم ودیگر موجود تھے ۔
