چئیرمین پی سی بی رمیز راجہ ملتان کی عوام سے خوش، مزید کرکٹ سیریز کرانے کی یقین دہانی کرادی

پاکستان کرکٹ بورڈ کے چیئرمین رمیض راجہ بھی ملتان کرکٹ اسٹیڈیم پہنچ گئے۔

گزشتہ روز پاکستان اور ویسٹ انڈیز کے درمیان ہونے والےمیچ کے دوران چئیرمن باکس میں موجود رہے۔

اس موقع پر اعلی حکام نے ملاقات کی جس میں چئیرمن پی سی بی نے میچ کے لیے کیے جانے والے انتظامات کو سراہا اور کرکٹ بورڈ کے ساتھ میچز کے انعقاد پر تعاون کرنے اور خاص طور پر شدید گرمی کے باوجود شائقین کرکٹ کے جذبے کو سراہا .

ان کا کہنا تھا کہ شدید گرمی میں عوام نے جس دلچسپی کا مظاہرہ کیا ان کی خواہشں اور شوق کومد نظر رکھتے ہوئے مزید میچز بھی کرائے جائیں گے۔

انہوں نے کہاکہ ملتان سے بہت سے یادیں وابستہ ہیں ،یہ قلبی تعلق ملتان سے دور نہیں جانے دیتا میری خواہش ہے ملتان انٹرنیشنل میچز کی میزبانی کرتارہے ۔