زکریا یونیورسٹی کی سنڈیکیٹ میں نئے اراکین کی نامزدگیاں

3 دن ago

0 7,674 Less than a minute

گورنر پنجاب/چانسلر جامعہ زکریا ملتان نے اپنے آئینی اختیارات استعمال کرتے ہوئے سنڈیکیٹ کے لیے دو نئے اراکین کی نامزدگی کی منظوری دے دی ہے۔ اس حوالے سے حکومتِ پنجاب، ہائیر ایجوکیشن ڈیپارٹمنٹ نے باضابطہ نوٹیفکیشن جاری کر دیا ہے۔

نوٹیفکیشن کے مطابق ڈاکٹر محمد خالد خان، سابق رجسٹرار جامعہ پنجاب، کو جنرل کیٹیگری کے تحت جبکہ فرخندہ وسیم افضل (پی اے ایس ریٹائرڈ)، سابق وفاقی سیکرٹری، کو خواتین کیٹیگری کے تحت جامعہ بہاء الدین زکریا ملتان کی سنڈیکیٹ کا رکن نامزد کیا گیا ہے۔

یہ نامزدگیاں بہاء الدین زکریا یونیورسٹی ایکٹ 1975 کی متعلقہ شقوں کے تحت کی گئی ہیں اور دونوں اراکین تین سال کی مدت کے لیے اپنی ذمہ داریاں انجام دیں گے۔