چوک کمہارنوالہ کی ری ڈیزائننگ اور بیوٹیفکیشن کا آغاز

ضلعی انتظامیہ ملتان کی جانب سے چوک کمہارنوالہ کی ری ڈیزائننگ اور بیوٹیفکیشن کا آغاز کردیا گیا ہے ۔

اس سلسلے میں اسسٹنٹ کمشنر سٹی خواجہ عمیر محمود نے ضلعی محکموں کے ہمراہ چوک کمہارنوالہ کا دورہ کیا۔

اسسٹنٹ کمشنر سٹی خواجہ عمیر محمود نے کہا کہ ڈپٹی کمشنر کی ہدایت پر چوک کمہارانوالہ پر موثر ٹریفک پلاننگ کی جائے گی، جبکہ گرین بیلٹس کی اپ گریڈیشن اور فلائی اوورز کو کلچرل رنگوں میں ڈھالا جائے گا۔

اے سی سٹی نے کہا کہ چوک کو کشادہ کرکے ٹریفک منیجمنٹ بہتر کی جائے گی، جبکہ خوبصورت لائٹنگ اور لینڈ سکیپنگ کے ذریعے چوک کمہارانوالہ کو خوبصورت بنایا جائے گا۔

اے سی نے کہا کہ ڈپٹی کمشنر کی ہدایت پر مختلف چوکوں پر تیزی سے ترقیاتی کام جاری ہیں۔