سکولوں پر کمرشلائزیشن فیس نافذ کردی گئی

حکومت نے پرائیویٹ سکولوں پر کمرشلائزیشن فیس نافذ کرنے کا فیصلہ کیا ہے، جس کا مقصد نجی تعلیمی اداروں کی زمین اور بلڈنگ کے استعمال سے متعلق قواعد و ضوابط کو مؤثر بنانا ہے۔

ذرائع کا کہنا ہے کہ اس سلسلے میں ایک اعلیٰ سطحی اجلا س منعقد ہوا جس میں حکومت محکمہ سکولز اور پرائیویٹ سکولز ایسوسی ایشن نے نمائندوں نے شرکت کی۔

پرائیویٹ سکولز کا موقف تھا کہ حکومت کی جانب سے کمرشلائزیشن فیس کا بوجھ والدین کی جیب پر پڑے گا، کیونکہ ہر سال بلڈنگ کا کرایہ 10 فیصد بڑھتا ہے مگر فیس میں صرف 5 فیصد اضافے کی اجازت ہے۔

حکومت پرائیویٹ سکولوں کو پالیسیوں میں ریلیف دے تاکہ تعلیمی معیار متاثر نہ ہو جبکہ سرکاری حکام کا کہنا تھا کہ حکومت پرائیویٹ سکولوں کے مسائل حل کرنے کے لیے اقدامات کرے گی اور کمرشلائزیشن فیس کے نفاذ پر سلیب بنانے کی تجویز بھی پیش کی جائے گی۔