کمشنر گوجرانوالا کا کتا گم ہو گیا، پولیس کی دوڑیں لگ گئیں

کمشنر گوجرانوالا ذوالفقار احمد گھمن کا پالتو کتا گم ہو گیا۔کمشنر کی شکایت پر میونسپل کارپوریشن اورپولیس اہلکاروں کی دوڑیں لگ گئیں۔

سرکاری اعلانات میں کہا جارہا ہے کہ محترم جناب کمشنر گوجرانوالہ کا پالتو کتاگم ہوگیا ہے لہٰذا کتا جسے ملے وہ کمشنر ہاؤس پہنچادے۔ سرکاری اعلان میں شہریوں کو خبردار کیا گیا ہے کہ کارروائی کے دوران کتابرآمد ہوا تو سخت قانونی کارروائی ہوگی۔
کمشنر ہاوس کا کہنا ہے کہ کتا اعلیٰ نسل کا ہے اس لئے تلاش کی جارہی ہے ۔