ڈی ڈی ای او سکینڈری بھی پی ایچ ڈی ہوگئیں

ڈپٹی ڈسٹرکٹ ایجوکیشن آفیسر (سیکنڈری) ملتان عالیہ نکہت نے اردو ادب میں ڈاکٹریٹ کی ڈگری مکمل کر لی ہے۔

ڈاکٹر قاضی عبدالرحمان عابد کی نگرانی میں "مغرب: اردو فکشن میں” کے عنوان تلے لکھے جانے والے تحقیقی مقالہ کی بنیاد پر ہندوستان سے ڈاکٹر یعقوب یاور، ہندوستان ہی سے ڈاکٹر صغیر افراہیم اور بلوچستان یونیورسٹی سے ڈاکٹر خالد خٹک نے عالیہ نکہت کو پی ایچ ڈی اردو کی ڈگری کا اہل قرار دیا ہے.

انہوں نے گزشتہ دنوں اپنےمقالہ کا کامیاب مجلسی دفاع کیا جس پر انہیں پی ایچ ڈی کی ڈگری ایوارڈ کر دی گئی ہے.

ڈاکٹر قاضی عابد، شعبہ اردو زکریا یونیورسٹی کے اساتذہ اور ایجوکیشن ڈیپارٹمنٹ ملتان کے افسران و اہلکاران نے ڈاکٹر عالیہ نکہت کو مبارکباد دی ہے۔