ریشنلائزیشن ،، ڈیڈ لائن جاری کردی گئی

اساتذہ کو 24 جولائی تک ریشنلائزیشن میں اپنی ترجیہات جمع کرانے کی ڈیڈ لائن دے دی گئی۔

اس سلسلے میں رانا عبدالقیوم خان ڈائریکٹر مانیٹرنگ اینڈ ایویلیوایشن نے سی ای اوز کو ہدایت کی ہے کہ تمام ہیڈ ٹیچرز اور نگران عملہ بغیر کسی تاخیر کے جاری ہدایت پر عمل کرے، تمام فاضل اساتذہ کو 24 جولائی 2025 تک کم عملہ والے اسکولوں میں تقرری کے لیے اپنی ترجیحات جمع کرانی ہوں گی۔

ایسا کرنے میں ناکامی کے نتیجے میں سسٹم کے ذریعہ ان کی خودکار ایڈجسٹمنٹ ان اسکولوں میں ہوگی جہاں اساتذہ کی ضرورت ہے،جس کے بعد کوئی استثنیٰ یا عذر قبول نہیں کیا جائے گا۔

صرف سوشل سیکورٹی ویلفیئر بورڈ کی طرف سے تصدیق شدہ معذوری کے سرٹیفکیٹ کے ساتھ اساتذہ جو کہ ای ٹرانسفر پالیسی 2024 میں مذکور ہے، استثنیٰ کے لیے غور کیا جا سکتا ہے۔